車品品小食 (Closed)

無意中得知 車品品 做到今年底就結業啦，第一個反應係好驚訝 事關我十幾年前搬到大角咀 屋企人帶我食第一次非常難忘 難忘既係佢既味道 難忘老闆娘既直率態度同做事堅決！睇完篇報導當天就去食啦！今日非常幸運無乜人排隊，不過都等咗30分鐘！位置不多，老闆娘都堅持不搭枱 每一位客人都可以同親人朋友舒服享受一餐飯 (我唸宜家無乜邊一間餐廳會咁做)溏心吉品鮑魚我唸無人會唸到呢d小店會賣鮑魚，仲要係吉品鮑 配埋自家秘製干邑紅燒汁，同溏心，軟滑得黎黏牙，個浸鮑魚香正到！黑糯米+花雕酒花膠汁豬手老實講呢到d汁醬真係第二到食唔到 無咁上下心機都難搞 酒味香濃 令豬手昇華到另一個層次淨蝦籽魯肉餃餃子皮薄，表面有蝦子，入面就係台式滷肉 既香甜，又有濃郁肉香，層次豐富 配有清湯底 滋味無窮！ 車仔麵餸我就唔逐一講啦 全部都食得出同外面唔同，外面食既都係差不多味 而呢到好特別湯底就無乜特別 正常啦總結，最後一次啦 好唔捨得 咁出色有心機既小店買少見少 不過咩事物都有結束既時候 希望香港可以繼續會有更多小店同保留住呢份情