樂香園咖啡室 (Moved) New Location

蛇竇曾經一度是我們的飯堂，至從不停加價，水準下降後，已經沒有幫襯。今次在光榮結業前，食最後一次。以前沒有咁旺場，坐低、落單到上枱只需5分鐘時間。是日人山人海，又要等位又要等食，亦有人影相留念，相信好多人為了結業前來個「最後午餐」。我同朋友亦依舊要蛋叉燒飯，不過我是要太陽蛋，朋友要滑蛋。其實我也欣賞他的滑蛋，因為真是100%蛋，沒有加任何獻汁或生粉水開的。不過蛋的份量控制不一，有時多有時少，可能看其師傅心意。今次朋友的又幾靚仔，蛋汁豐富。至於我的太陽蛋煎得過熟，蛋黃已穿漏了，而蛋白有點實。可惜沒有多餘空間食他馳名的有菠蘿酥香的菠蘿包，打算呢幾日抽空食個「告別早餐」。