SJ Burger (Closed)

由於呢間店仔貼左告示，營業到本月31號就同大家暫別了，所以今早食完，而家嗱嗱聲出文🙈其實人地係主打漢堡架🍔不過我呢個華田控，逢係見到華田乜乜乜都係要食既，又點會放過呢個心太軟呢😝華田心太軟配雪糕（$30）製作需時10-15分鐘，我仲正午時分走去食😂熱死寶寶啦～好明顯真係好為食啦🤭曲奇雪糕大大一球，絕不吝嗇👍🏻👍🏻心太軟上面的脆脆令到佢口感變得豐富，內餡係滿滿既華田漿，我咁中意華田，你問我我一定係話好好食好中意架😝價錢好抵好實惠，事關我學生時代去元朗當時某小店食心太軟，size比這裡小，但已不只$30！希望你只係暫別，然後嗱嗱聲另覓地方再同大家（例如我）見面啦🤤🙏🏻🙏🏻🙏🏻