80後味道 (Closed)

今日出屯門搵朋友仔，經過呢度試咗個冬瓜茶，好好飲，消暑解渴。每日都有自家製涼茶，如果我住屯門就好喇！好想飲薏米水，最好日日有得飲。仲試埋佢個碗仔翅同酸齋，正！個翅十幾蚊大大碗，食完已經飽哂！最近由於疫情嚴重，沒有了堂食，所以都係買返屋企，早知就買多幾枝冬瓜茶啦，可以飲多幾日，而家想飲又懶得煲，冇得飲。好掛住佢嘅自家製涼茶同碗仔翅。題外話，最好笑嘅係聽到有個客話呢間舖啲碗仔翅好細碗，唔夠三個人食，嗰刻真係想問個師奶喺邊度可以用廿蚊買三人份量嘅碗仔翅。