皇茶冰室 (Closed)

好鍾意冰室，好有懷舊既感覺，而家既冰室都比較乾淨企理，呢間都幾好，我見人人都叫呢個皇牌，而望落又好吸引所以都叫黎試下先，鮮蝦叉燒炒蛋飯，果然色香味俱全，鮮蝦大大隻，好新鮮爽口，叉燒唔肥，最緊要蛋炒到好滑滑，仍流有蛋汁，整個飯口感賣相一流，令人好回味，再配埋咸檸七，清熱消滯。而朋友就叫左個蝦干蒸排骨配白飯，這個亦好香口美味，我試左蝦干，好大隻好香口亦好有口感，排骨亦醃到好入味，蒸到剛剛好，不會太老好硬，原來咁樣蒸排骨都咁好味，正，下次我要試下呢個先。