春宵

次次都突然之間有種想食火鍋嘅諗法，我就即刻call friend出嚟食啦。呢間係我至愛嘅火鍋店，佢哋嘅湯底好足料，而且用料上乘，好抵食！今日嘅鍋底我揀咗【台式麻辣鴨血鍋】，鴨血已經吸收咗麻辣鍋底嘅味道，入口滑嫩但係又好刺激味蕾！我同朋友兩個人就叫咗個細份嘅【A級安格斯牛小排】，牛小排花紋分佈均勻，喺滾燙嘅鍋底碌幾秒就可以拎起嚟食，口感好嫩滑！我哋仲點咗【拿破侖響鈴】，冇咗響鈴卷嘅火鍋係唔完整嘅！放入鍋底3秒鐘就可以食，吸咗麻辣鍋底嘅味道真係正！【潮汕牛筋丸】超級咬口！彈牙又夠味！呢間嘅各種食材都非常新鮮，最緊要係鍋底夠惹味！下次再嚟！