彩虹煮意 (Closed)

必食推介：鑽石蜆三文魚扁意粉橫行霸道竹炭漢堡、香辣扒海鮮10-11.04.2021 午餐耐耐地無幫襯彩虹煮意Rainbow Cuisine，就會掛住呢度嘅美食。星期六下午通常比較多人，排咗四張枱，大約半小時就可以入座。午餐餐牌樣樣都好吸引，同大廚講幫我揸主意，結果大廚發辦煮了個「鑽石蜆三文魚扁意粉」！嘩嘩嘩，鑽石蜆隻隻肥美鮮甜，說不出的美味，加埋三文魚的鮮味，真係不得了... 加埋杯柚子士多啤梨梳打，太滿足了。朋友得知午餐餐牌有橫行霸道（軟殼蟹）竹炭漢堡，馬上相約星期日嚟食午飯，呢個之前我已經食過，所以唔洗講非常好味。11:20已經到門口等，跟住也有其他食客逐漸來到排隊，一坐低就落單要「橫行霸道竹炭漢堡」，然後問問大廚有無社交平台 見到「香辣扒海鮮」～原本晩市先有嘅美食，可能見我哋咁捧場，結果真係煮了「香辣扒海鮮」。橫行霸道竹炭漢堡先到，賣相無得輸，芝士漏汁中，軟殻蟹見到會吞口水，趕忙熱辣辣趁熱食。之後「香辣扒海鮮」終於到，吸晴到隔離枱也詢問，包括有大蝦、螺、鑽石蜆、魚、鮑魚仔...午餐食到咁豐富，簡直太過份了。本身有醬汁供應，但因為海鮮已經好鮮味，所以無再點醬汁，叫埋杯龍眼茶消消滯。