Video
Read full review
2023-05-10
48 views
🍴𝙽𝚞𝚝𝚝𝚎𝚊一直都好鍾意nuttea嘅堅果奶蓋，今日去到旺角經過，雖然邪惡但係又忍唔住要飲番杯🤭🥤伯爵朱古力堅果奶蓋茶（$48）依然係我嘅nuttea排行榜首位🥇本身堅果奶蓋已經比一般嘅奶蓋特別，綿密香滑嘅奶蓋除咗帶有少少鹹香之外，仲有堅果嘅味道。而呢杯更加溝埋朱古力味，仲有少少朱古力粉喺上面，令到味道好有層次，亦都好豐富。而且佢嘅奶蓋份量亦都好充足，啱晒我呢啲鍾意食奶蓋多過飲茶嘅人！伯爵茶方面，我叫咗微糖，不過覺得加咗甜味嘅伯爵茶，始終冇原本嘅好飲，所以我下次都會叫無糖，專心品嚐朱古力堅果奶蓋嘅味道👅🥤青提波波茶（$40）呢杯茶嘅青提子味好出，反而唔係好飲得出個茶底，但係當佢係清淡少少嘅果汁一樣好飲！而且佢仲有好多青提子果肉，一路飲一路咀嚼，令到口感效果更加好@nuttea_hongkong 📍旺角中心1樓F52號鋪💰人均消費：約$45
一直都好鍾意nuttea嘅堅果奶蓋，今日去到旺角經過，雖然邪惡但係又忍唔住要飲番杯🤭
🥤伯爵朱古力堅果奶蓋茶（$48）
依然係我嘅nuttea排行榜首位🥇本身堅果奶蓋已經比一般嘅奶蓋特別，綿密香滑嘅奶蓋除咗帶有少少鹹香之外，仲有堅果嘅味道。而呢杯更加溝埋朱古力味，仲有少少朱古力粉喺上面，令到味道好有層次，亦都好豐富。而且佢嘅奶蓋份量亦都好充足，啱晒我呢啲鍾意食奶蓋多過飲茶嘅人！伯爵茶方面，我叫咗微糖，不過覺得加咗甜味嘅伯爵茶，始終冇原本嘅好飲，所以我下次都會叫無糖，專心品嚐朱古力堅果奶蓋嘅味道👅
🥤青提波波茶（$40）
呢杯茶嘅青提子味好出，反而唔係好飲得出個茶底，但係當佢係清淡少少嘅果汁一樣好飲！而且佢仲有好多青提子果肉，一路飲一路咀嚼，令到口感效果更加好
@nuttea_hongkong
📍旺角中心1樓F52號鋪
💰人均消費：約$45
Post
