Video
Read full review
2023-08-09
214 views
比大陸餐館有過之而無不及的香港酸菜魚！Okay, 我承認我唔算食過好多好多餐館的酸菜魚，但真係好食的我一定食得出，今次同朋友喺灣仔附近行完街，大家都好想食酸菜魚，就搵左呢間食評唔錯的酸菜魚餐館，一坐低就畀佢set餐具吸引，灰色漸變白色再變粉紅色的餐具，一睇就知老闆應該係有taste的人～講番正題，餐牌得一款酸菜魚，叫“老壇酸菜魚”，分“例”同“大”兩種size，因為我地都有叫其他野食，所以叫左個例牌size，店員一放低個大碗，嚇親，咁大兜都叫例牌？！魚片的份量至少比一般餐館的例牌多三分一，講完份量，味道當然先係最緊要，我早一個月先喺深圳食左間出名酸菜魚，而呢間酸菜魚真係拍得住大陸的，甚至有過之而無不及，魚片滑，多肉，花椒味夠香，竟然仲有粗薯粉喺底，同枱朋友個個都食到lum lum脷，讚不絕口，真係無乜幾可喺香港食到同級的酸菜魚！我地仲叫左“茶樹菇爆炒豬頸肉”，我以為一般茶樹菇淨係會用來煲湯，點知原來用來炒餸都咁好味，佢比一般菇有更濃的菇味，口感亦都好扎實有咬口，配合帶點油香的豬頸肉，如果唔係本身叫左個炒飯，淨係呢碟餸都夠送兩碗白飯～我地就係叫左呢個“川館炒飯“，其實佢好簡單，但簡單得來
比大陸餐館有過之而無不及的香港酸菜魚！Okay, 我承認我唔算食過好多好多餐館的酸菜魚，但真係好食的我一定食得出，今次同朋友喺灣仔附近行完街，大家都好想食酸菜魚，就搵左呢間食評唔錯的酸菜魚餐館，一坐低就畀佢set餐具吸引，灰色漸變白色再變粉紅色的餐具，一睇就知老闆應該係有taste的人～
講番正題，餐牌得一款酸菜魚，叫“老壇酸菜魚”，分“例”同“大”兩種size，因為我地都有叫其他野食，所以叫左個例牌size，店員一放低個大碗，嚇親，咁大兜都叫例牌？！魚片的份量至少比一般餐館的例牌多三分一，講完份量，味道當然先係最緊要，我早一個月先喺深圳食左間出名酸菜魚，而呢間酸菜魚真係拍得住大陸的，甚至有過之而無不及，魚片滑，多肉，花椒味夠香，竟然仲有粗薯粉喺底，同枱朋友個個都食到lum lum脷，讚不絕口，真係無乜幾可喺香港食到同級的酸菜魚！
我地仲叫左“茶樹菇爆炒豬頸肉”，我以為一般茶樹菇淨係會用來煲湯，點知原來用來炒餸都咁好味，佢比一般菇有更濃的菇味，口感亦都好扎實有咬口，配合帶點油香的豬頸肉，如果唔係本身叫左個炒飯，淨係呢碟餸都夠送兩碗白飯～
我地就係叫左呢個“川館炒飯“，其實佢好簡單，但簡單得來夠清淡，配合同枱比較重口味的酸菜魚同豬頸肉，佢的清淡更顯重要，你當然可以簡單叫碗白飯，但如果你唔想淨係食白飯咁寡，呢個炒飯就啱晒，幾粒青葱花，午餐肉，炒到粒粒分明而不油膩，其實好唔簡單。
Post
