鐵魚川式食堂 (Closed)

每次食飯都係OPENRICE搵下有咩好食😎。約左個為食妹去遠少少食啦。銅鑼灣區辣野排名一搵就見到鐵魚😮。BOOK左位就唔洗等喇。一坐低職員就非常細心解釋餐牌上的(銅魚)(銀魚)(金魚)套餐😊😊。我地唔太肚餓就揀左銅魚，另外職員介紹江團魚好實肉夠魚味冇麟片，咁就試下啦！前菜:豆芽菜,辣辣地幾惹味。手撕包菜,清清地好開胃。主菜ㄧ上。好大條魚呀XDD。未開蓋前焗ㄧ焗先,滾起少少之後職員就好細心過黎分魚,仲提點我地淋埋d汁食再加上配菜😆😆配菜分別有豬紅(ㄧ水滾我已經掉落煲,等佢入味d😎)。麻辣鱈魚湯丸(入囗前要小心d,因為真係爆汁架😂)。雲吞(出乎意料地夾喎,索埋d湯汁)。牛頸脊(新鮮,唔會好un牛味濃,必食)。雜菜藍(直情係精華呀，尤其冬菇)最後配上2杯自家製特飲：菊花薑蜜茶，紅桑梅蜜茶，解喝又夠FRESH。個人鍾意菊花飲品，簡直係著迷。