屋子 (Closed)

今日晏晝終於去到依間充滿日式風味既cafe「屋子」食野，每次經過都俾佢既日系裝修吸引左，門口果幾張枱仲有tatami坐。Set lunch既選擇都幾多元化，而今次我就揀左「鰻魚綜合茶泡丼」配「西柚冰茶」。先講「西柚冰茶」，飲落個感覺都幾refreshing，飲落又唔會太酸，酸酸甜甜幾開胃，最正既係飲到最後會有好多西柚肉食👍🏻至於「鰻魚綜合茶泡丼」，原本都有掙扎過叫唔叫依個set好，因為好多時香港食到既鰻魚口感都似係超級市場食到果種質感，會驚肉質太淋同太多骨，但依個set既鰻魚口感夠實口得黎又唔會太乾身。依食飯都有啲似係日本食到既鰻魚三食，有紫菜，有wasabi，有泡茶做湯，仲有啲脆米。因為自己中意啲飯比較乾身既關係，所以每次都係倒少少茶湯落去一齊食，撈埋鰻魚既燒汁香味同紫菜，覺得下次再去會再叫👍🏻甜品就叫左「白玉焙茶戚風」，賣相固然之吸引，味道同賣相都係成正比既，蛋糕夠鬆軟，焙茶味都幾突出，加埋白玉煙煙韌韌既口感有啲似食緊最近幾hit既麻糬蛋糕。個人評分（滿分為5）味道：😉😉😉😉環境：😉😉😉😉😉員工友善度：😉😉😉😉CP值：😉😉😉😉