鮨玥 (Closed)

放寬左之後都無乜出街食飯， 今晚難得朋友相約， 跨幾區去到西灣河蘇豪區食日本菜。順便搭下新鐵路線。去豪下先， 叫左北海道海膽。一板都有好多， 配六舊飯， 紫菜同青瓜。海膽鮮甜無腥味，好滑， 配上青瓜口感一流。見好多人叫本鮪壽司盛， 我都唔執輸。三款共六件拖羅壽司， 最鍾意食依款， 又肥， 又油， 又厚切。今次無叫甜品， 反而叫左自家焦糖玉子燒焦糖燒得脆， 晶瑩剔透， 甜而不痴牙， 配上簡單滑嫩的玉子燒， 我直情當焦糖燉蛋咁食。支持支持， 希望所有食肆都捱得住。