Video
Read full review
2009-11-10
自從食第一次 ucc 就愛上佢個沙律 bar~食過無數次 ucc, 除左 lunch/dinner set menu 偶有轉換, 佢個 menu 真係十年如一日, d main course 又唔係特別吸引, 基本上每次食都係為左個沙律 bar~講講沙律 bar 材料:生菜 (有時撈埋少少蟹柳), 薯蓉 (好味!), 粟米, 車厘茄, 紅腰豆, 螺絲粉/蝴蝶粉/長通粉 (視乎當日出邊款), 吞拿魚, 雜菜 (西蘭花+紅蘿蔔粒+椰菜 etc.), 椰菜絲, 菠蘿, 蜜桃, 提子乾, 啫喱糖 (間歇性既消失左令我好失望...)相對銅鑼灣分店, 青衣城分店比較多配料款式~dressing 有兩款: 千島 / 蒜蓉, 推介佢自製既蒜蓉醬汁, 比較特別同其他地方搵唔到, 用黎點蒜蓉多士都好好味! 記得銅鑼灣仲多款他他醬~講講 main course:白汁既 pasta 味道均麻麻, 可能因為冇乜芝士, d 汁淡貿貿...焗飯比較香同濃味, 鍾意咖喱焗牛肉飯, 有個茄汁肉醬焗都 ok 既~奄列飯都 ok, 扒類比較少食, 但印象中都 ok~講講甜品:同一般日式西餐廳一樣, 賣相靚一靚, 味道好多時
自從食第一次 ucc 就愛上佢個沙律 bar~
食過無數次 ucc, 除左 lunch/dinner set menu 偶有轉換, 佢個 menu 真係十年如一日, d main course 又唔係特別吸引, 基本上每次食都係為左個沙律 bar~
講講沙律 bar 材料:
生菜 (有時撈埋少少蟹柳), 薯蓉 (好味!), 粟米, 車厘茄, 紅腰豆, 螺絲粉/蝴蝶粉/長通粉 (視乎當日出邊款), 吞拿魚, 雜菜 (西蘭花+紅蘿蔔粒+椰菜 etc.), 椰菜絲, 菠蘿, 蜜桃, 提子乾, 啫喱糖 (間歇性既消失左令我好失望...)
相對銅鑼灣分店, 青衣城分店比較多配料款式~
dressing 有兩款: 千島 / 蒜蓉, 推介佢自製既蒜蓉醬汁, 比較特別同其他地方搵唔到, 用黎點蒜蓉多士都好好味! 記得銅鑼灣仲多款他他醬~
講講 main course:
白汁既 pasta 味道均麻麻, 可能因為冇乜芝士, d 汁淡貿貿...
焗飯比較香同濃味, 鍾意咖喱焗牛肉飯, 有個茄汁肉醬焗都 ok 既~
奄列飯都 ok, 扒類比較少食, 但印象中都 ok~
講講甜品:
同一般日式西餐廳一樣, 賣相靚一靚, 味道好多時只屬普通...
比較好食既有雜莓奶凍, 士多啤梨法式西多士~
近期有個焦糖咖啡 waffle 都唔錯~
d 芭菲超多 cream, 除左 d cream 真係冇乜野食...
其實 ucc menu 選擇真係唔多, 識得好多人都係因為個沙律 bar 先黎食~
唔知大家知唔知, 其實唔一定要叫餐先加得沙律 bar, 散叫一個都只係 $35~
食厭左 d main dish 去食碗沙律仲好味呢~
Post
