添福小食 (Closed)

每次經過此小食店，總會聞到好香嘅味道，亦知道好多人話佢d漢堡包好味，但奈何每次都趕住做野，未能一試！今日終於得閒行下街，專程行過去買個黑椒漢堡包試試.漢堡包即叫即造，睇住佢烘包煎扒，大約等左五分鐘.個包餡料好簡單，就只有牛肉加茄汁，但聞落好香，塊漢堡扒都幾厚！大啖咬落去，漢堡扒帶有濃濃香辣黑椒味，又有肉汁，肉帶有筋，有咬口（但可以有人覺得un）不過啱我！ 好味～簡單又好味嘅一個港式漢堡包現在已經買少見少，實在令人懷念又滿足！