Burgerman (欽州街) (Closed)

今日想吃漢堡，第一時間就諗到Burgerman，每次吃漢堡都會特登嚟Burgerman唔同嘅分店食，今日就帶媽媽到深水埗這一間吃漢堡做晚餐。我們慣性來這裏點了兩份漢堡餐，漢堡餐是1加$20就會有埋薯格或者薯條再加一份嘢飲，今次就揀咗一份經典芝士漢堡同埋丹麥藍芝士漢堡，喜歡到這裏吃漢堡其中一個原因就是所有嘢都是即叫即做，所以我們要坐喺店舖裏面等一等大概10分鐘到，而每個座位都會有消毒手液同埋手套俾我哋用餐嘅時候都可以很衛生很安心的進食。話咁快10分鐘就到了，漢堡同埋薯格一起上，香噴噴引死人，我哋唔客氣啦，薯格卜卜趣，新鮮咋滴暑假真係唔同啲。而呢兩份漢堡包都各有特色，藍芝士係我最愛，雖然有啲人會覺得芝士味特別重，但係這也是正宗藍芝士的特色，每一口安格斯牛肉漢堡都夾住藍芝士的香味，讓人回味無窮。而經典芝士漢堡也是很多人會點的， 一塊厚厚的芝士夾着安格斯牛肉漢堡，經典得來也不失漢堡的原始味道，讓人吃得津津有味。所以話想吃正宗漢堡就一定會嚟Burgerman。