人和荳品廠 (Moved) New Location

今日有D口痕，想食煎豆腐，咁就去左人和荳品廠整番碟。雖然依到舖仔細細，但夠哂光猛，師傅煎豆腐個位係正門口，大家可以睇住佢點煎，成間舖都有好香既煎豆腐味。我叫左一碟魚肉煎豆腐同埋一杯凍豆漿。碟魚肉煎豆腐未食都已經覺得好香，放入口個陣好熱，個邊煎到金黃又脆，岩岩煎起係唔同Ｄ，唔係煎完放係到好耐先比你。個豆腐既底係有塊魚肉係到，的確係幾香，豆腐同魚肉加埋一齊真係唔錯。唯一唔好既野就係舊豆腐好油，但其實無油又真係唔可以煎到咁香既。係咁油既時候飲一杯凍豆漿就岩岩好，可以中和番，加上外面又咁熱，依杯凍野真係岩岩好！