宗像屋 (Closed)

魚生丼好食，師傅很親切，店外的人龍很長 – 每次食宗像屋帶俾我嘅感覺。裝修是非常簡約的日式設計，有少少日本家庭式小店嘅感覺，可以望到師傅係料理台準備食物。餐牌就係4款魚生丼 – 梅、竹、松阪特上，基本都有吞拿、吞拿魚蓉、北寄貝、帶子、甜甘蝦、三文魚子、烏賊、油甘魚及鱲魚，竹是梅的增量版，而松多了蟹肉，特上則加了蟹肉及海膽。先來兩件油甘魚刺身，配上芝麻醬非常香，師傅建議先食一件，第二件配飯及高湯一齊食。今次點左一款梅一款竹，見到竹嘅魚生份量的確比梅多左成倍，我覺的「梅」嘅份量已經夠飽，胃口大或者想食多D魚生點竹應該會更加滿足。除左將魚生整成小山咁嘅外型好吸引，宗像屋提議嘅食法都好特別。1 加店內的特製醬油，甜甜地同刺身味道好夾2 將魚生碎同飯放上紫菜包成手卷食，因為我個人唔大好紫菜，加上個日食嘅唔夠脆，感覺麻麻3 食完魚生，淨底嘅飯可以請店員加湯整成湯飯，湯底用魚淆成，好清好鮮甜，而且熱熱地好好味因為呢度嘅魚生係先切碎再混合，一齊食其實唔係好分到邊樣打邊樣，但整體感覺鮮甜，完全唔會有腥味，每款魚生嘅口感都好夾，而且以魚生丼黎講價錢合理。今次坐吧台位師傅主動我地介紹食法，好Nice!