塔門仔海膽燒 (Moved) New Location

之前已經聽聞有間塔門海膽燒係佐敦，今日終於有機會去試下。叫左個芝士海膽多士黎食。見到個顏色已經忍唔住想食曬佢，個味道好香！一入口，首先有陣好濃既芝士味，之後海膽既鮮味就出黎。好新鮮，服務員話呢度既海膽係西貢新鮮運過黎。唔怪得海膽冇果陣石油味。呢度食既海膽同日本食既真係可以比。因為夠新鮮，仲有陣淡淡既海水味，好正！之後叫左個蒜香花甲王。原來唔止海膽新鮮，花甲都好新鮮！如果要比較，個人比較鐘意花甲。除左新鮮，仲食到陣鍋氣。口感好彈牙，食到陣好香既酒香味，而且花甲係大隻既。久聞不如一試，今日終於試左呢間海膽燒。呢度既海鮮，得兩個字，新鮮！