黃金燒味 (Closed)

有時番工食燒味飯，可以慳下錢之餘，又夠晒飽肚，係灣仔食過咁多間燒味飯，黃金燒味可以話係價錢實惠得來又最好食！佢呢度午餐仲可以揀要老火湯或者飲品，每次我都會揀老火湯，健康得來好足料，同埋夠哂好大碗。蜜汁叉燒拼脆皮燒腩仔 配米粉以呢個價錢，呢度嘅雙拼燒味份量真係對得住良心。叉燒夠晒入味，雖然有少少鹹但配米粉岩岩好，燒腩仔層皮夠晒脆，仲要係我最鍾意的肥瘦度，唔會話有好厚嘅肥膏，配埋芥茉醬真係好好食。以五六十蚊一個午餐來講真係水準好高。