大哥雞煲 (Closed)

天氣越嚟越凍，今年已經食過好多餐火鍋，餐餐都係食雞煲今次收到大哥嘅邀請，又試一間新雞煲，但估唔到呢度特別嘅絕對唔止雞煲咁簡單花膠濃湯雞煲翅熬咗幾個鐘嘅靚湯、老雞、花膠、豬骨、日本元貝仲有大大塊魚翅同火腿對我嚟講呢個湯真係完美，飲完一碗又一碗一滴不留，打邊爐都用唔到呢個嚕胡椒豬肚包雞鍋胡椒收喺豬肚入面剪開咗先慢慢滲出濃濃嘅胡椒味同樣有靚雞豬骨個湯一樣係飲完一碗又一碗呢個後尾就用咗嚟做鍋底奇味招牌雞煲用嘅係三黃雞（毛黃、爪黃、咀黃）雞肉好有雞味，我最愛嘅雞皮仲爆香過，好正！今次試咗個唔辣，但香料味都好出好正酸菜燒魚鍋我對酸菜就麻麻，但呢個魚都幾好味下次想試埋個川味燒魚，都係辣辣哋好味什菌墨魚丸個樣就麻麻地，但食落好特別，好香菇菌味杞子白菜花膠餃呢個餃真係喺出面未見過保證原創，食落都相當有趣鮮枝竹樹記嘅出品真係正啲好滑好香手切肥牛好有牛肉味，又幾有咬口，唔錯鹿兒島極黑豚腩肉又腍又滑，肥瘦均勻，值得推介！呢度打邊爐原來主打唔止係配料，有樹記嘅配料已經夠正加埋佢嘅湯底真係無敵仲有佢個蘆薈小麥草，真係好正，我飲咗成渣都唔夠！