桃子Cafe (Closed)

嗰日約咗朋友喺旺角食飯，朋友知我最鍾意食蛋包飯，話帶我去一間好好味嘅。餐廳位於旺角通菜街，一去到門口已經見到好多好吸引嘅蛋包飯。餐廳裝修精緻，地方企理，而且店員親切有禮。牆上邊仲有啲好靚嘅畫。開放式嘅廚房可以望到入邊煮食嘅情況。有好多款蛋包飯可以選擇，仲有小食、沙律同飲品。日式咖喱吉列豬扒蛋包飯，豬扒炸得非常香脆，而且肉嫩多汁，咖喱有微微嘅甜味，豬扒滑蛋加埋咖喱味道非常豐富。和風鰻魚芝士蛋包飯，原條鰻魚配上醬汁，再加上嫩滑雞蛋，份量十足。雞蛋味濃，加上芝士，包住飯粒，口感一流。仲可以添飯，因為實在太好食忍唔住加左碗。飲品甜度剛剛好。真係食過最美味嘅蛋包飯。