郭仔記粥麵專家

Open Now

Now Closed

之前係大埔做完野係附近搵野食，見到有車仔麵平平地就入左去食。12都開始多人，坐低之後揀野食，餸就$8起因為好肚餓，所以揀左好多餸。。。。。有菜心，韭菜，魚皮餃，牛根腩清湯幼麵，因為Ｄ野食好好味，最後仲後加左蘿蔔同豬軟骨！！！韭菜份量好多，其中一個好鍾意食韭菜的原因係因為佢夠香口！牛根腩份量好多，分別都有三四件，牛根腩入晒味，牛腩唔韌易咬，牛根口感岩岩好，但又未淋到一pat野咁，有Ｄ煮到過左會林到鼻涕咁......雖然我叫的係清湯，但其實牛根腩刺身個汁都會攸左湯底的一部分，所以個湯底都有少少腩汁，挺香的魚皮餃我好鍾意魚皮餃的口感，餃子皮帶點煙韌，唔會好似普通餃子一咬就爛，但之前食開的魚皮餃都比較鹹好彩Ｅ到的魚皮咬岩我口味，唔會太鹹魚皮餃都有三四粒嫁，好開心!後加的豬軟骨同蘿蔔因為仲食得落，D野食又好味，所以決定加多兩樣，好彩老闆好人，比我咁做蘿蔔係食車仔麵時我都會叫的，因為蘿蔔會煮到好林好入味豬軟骨都好正，肉質易入口，不過舊軟骨可以再煮林少少，咁樣會好咬Ｄ，不過整體唔錯，好彩我最後有叫!!