麻辣風雲 (京都廣場) (Closed)

好耐冇食啦，心心念念佢嘅炸饅頭，點知有人話唔想食，搞到我都係食唔到😮‍💨咁就揀咗每次都食嘅酸菜魚，仲有呢排好Hit嘅荔枝蝦球同埋香辣蠔🌶️-酸菜魚揀咗中酸小辣小麻，味道水準保持，魚肉厚度適中，入口嫩滑，份量依然非常慷慨🤭-荔枝蝦球呢個非常吸睛，蝦球做咗荔枝造型，掛喺樹上像真度高，又有煙霧效果，仙氣十足，入口外層非常酥脆，蝦肉彈牙，配埋個醬酸酸甜甜幾開胃-香辣蠔呢個香辣味層次豐富，又夠鑊氣而且辣度適中，蠔又夠大隻，口感滿足埋單嘅時候先見到佢哋有火山排骨，川菜嘅火山排骨唔知係咩味道呢😌留返下一次先試