M3 Italian (Closed)

今日去到大圍覓食，行經一間意大利🇮🇹西餐廳，於是行去，餐廳設計都主要用木色調，牆壁就石灰水色，一行入有個調酒的酒吧位，有提供happy hour, 客人可以選擇有高枱坐，或一般既餐枱。晚上有不同人數的套餐供選擇，套餐食物非常豐富，我地兩人叫左一個小食和兩個主食。1. 炭燒美國肉眼扒（12oz)$268，配上熱辣辣薯條🍟和黑椒汁，order 左5成熟，外層燒到金黃微脆，切開肉眼扒，見到紅嫩牛肉，充滿肉汁。2. 黑松露野菌意大飯配法國香煎鵝肝$188，好香濃的黑松露味，配上野菌更有咬口，厚厚且手掌大的鵝肝煎得外層香脆可口， 咬一啖內里滑溜，流出鵝肝的油香，食完非常滿足，意大飯味濃米心軟硬適中，飯入面亦有幼嫩青綠的鮮竹荀，超正。3. 酥炸芝士蝦球$98，必叫小食，且好有驚喜， 一粒粒金黃色蝦球波波，點上特制醬，外層非常香脆，蝦肉彈牙，內里充斥住流心熔岩芝士，可以拉絲，食時要小心，免得燙到個餵食咀仔。