Video
Read full review
2022-04-22
1508 views
實在太耐無出去食飯，今日帶埋家人一齊出去由於家人好專一地只愛廣東菜，所以每次都一定係食中餐😅第一次接觸哩間餐廳，係幾年前同事極力推薦佢個黑色流心包，同大學同學聚嘅時候食過一次，對佢嘅印象都唔錯。大廈唔算難揾，坐𨋢上到餐廳樓層，有成10個人排緊隊，心諗好在預先訂位。望一望入餐廳，入面有好幾張🍊枱🤔原來係因為埋單、開位、傳茶、帶位⋯⋯全部一個人包辦，個職員自己都忙到一頭煙😵💫就算訂咗位，有枱都好，根本無人得閒帶位，結果要企喺門口等咗15分鐘。等咗一陣，終於可以入座，枱面上嘅碗入面印咗烏蠅，雖然設計唔係好討好，不過係假嘅，唔洗驚，反而要擔心餐廳入面嘅烏蠅家族💔🤢。一坐低就有一隻係枱面度迎接我哋，有時餐廳有一兩隻小飛飛都無可避免，諗住掃開佢算，望下窗邊，成4、5隻陪我哋開餐😱😱😱即刻叫職員換位😵💫😵💫職員忙到一頭煙無停手，但仍然好有禮貌，好幫得手，讚👍🏻職員好快就幫我哋換位。餐廳係自助落單，可以加快整個用餐程序。一坐低，就可以即刻落單，之後就可以坐定定等食🍽😌脆蝦多士 ($89)，一份有3件，仲有黑松露醬。多士熱辣辣，好香脆，唔會食到成口油。份量岩岩好，唔會覺得好滯。不過價錢略貴，3啖咁
由於家人好專一地只愛廣東菜，所以每次都一定係食中餐😅
第一次接觸哩間餐廳，係幾年前同事極力推薦佢個黑色流心包，同大學同學聚嘅時候食過一次，對佢嘅印象都唔錯。
大廈唔算難揾，坐𨋢上到餐廳樓層，有成10個人排緊隊，心諗好在預先訂位。望一望入餐廳，入面有好幾張🍊枱🤔
原來係因為埋單、開位、傳茶、帶位⋯⋯全部一個人包辦，個職員自己都忙到一頭煙😵💫
就算訂咗位，有枱都好，根本無人得閒帶位，結果要企喺門口等咗15分鐘。
等咗一陣，終於可以入座，枱面上嘅碗入面印咗烏蠅，雖然設計唔係好討好，不過係假嘅，唔洗驚，反而要擔心餐廳入面嘅烏蠅家族💔🤢。
一坐低就有一隻係枱面度迎接我哋，有時餐廳有一兩隻小飛飛都無可避免，諗住掃開佢算，望下窗邊，成4、5隻陪我哋開餐😱😱😱
即刻叫職員換位😵💫😵💫
職員忙到一頭煙無停手，但仍然好有禮貌，好幫得手，讚👍🏻
職員好快就幫我哋換位。
餐廳係自助落單，可以加快整個用餐程序。一坐低，就可以即刻落單，之後就可以坐定定等食🍽😌
脆蝦多士 ($89)，一份有3件，仲有黑松露醬。多士熱辣辣，好香脆，唔會食到成口油。份量岩岩好，唔會覺得好滯。不過價錢略貴，3啖咁就$89😅
脆蝦多士
$89
37 views
0 likes
0 comments
冰鎮咕嚕 ($109)，係其他餐廳都有食過類似嘅餸菜，會將啲炸香咗嘅咕嚕肉放係冰上面，可以食到最後一舊個外皮仲係保持到脆。不過我比較傳統，都係鍾意食熱嘅😅
未試過嘅朋友都可以試吓，份量都唔細架，每舊都啖啖肉，唔會淨係得炸粉。
冰鎮咕嚕
$109
39 views
0 likes
0 comments
黑金流沙包 ($49)，一籠3件，係必食之選😋
除咗外形吸引，個流心餡一樣掂👍🏻有粒蛋黃係中間，唔會太甜。
‼️食流沙包千祈唔好心急😆，如果唔係爆餡碌到🤭‼️
黑金流沙
$49
40 views
0 likes
0 comments
仲叫咗兩個特色點心，和牛啤梨 ($49)、非常山竹 ($49)。啤梨係黑椒和牛鹹水角，非常山竹係龍蝦汁同蟹肉。
兩款點心造型都好像真，特別係個頂，用咗pocky扮😆兩款嘅外皮都係一樣，純粹換咗啲餡。
和牛啤梨黑椒味太重，淨係食到黑椒嘅辣😅
而非常山竹嘅龍蝦汁蟹肉餡就有啲似忌廉醬，真係要睇下餐牌先知自己食咩😅
兩款點心都係外型取勝，味道就麻麻啦😅
和牛啤梨
$49
32 views
0 likes
0 comments
非常山竹
$49
28 views
0 likes
0 comments
食到尾聲，追加咗麻醬抄手 ($59)、麻辣乳鴿 (堂食價: $39) 同 大肚婆炒飯 ($99)。
抄手有紅油同麻醬揀，唔食得辣可以選擇麻醬，一份有8粒。不過麻醬會膩啲，相信紅油會較為惹味。
沙田乳鴿較為出名，可惜賣哂😩麻辣超殺！正價係$59，宜家有優惠，堂食價只需要$39，所以好多人叫。乳鴿啖啖肉，配麻辣汁，又香又麻👍🏻
最後，大肚婆炒飯有紅米、白米、藜麥、蛋、菜粒、蟹肉、粟米芯、脆豆、薑米。飯炒得好乾身，又唔油，一食停唔到忍唔住食咗2大碗🍚，推薦👍🏻👍🏻
麻醬抄手
$59
31 views
0 likes
0 comments
麻辣乳鴿
$39
34 views
0 likes
0 comments
大肚婆炒飯
$99
42 views
0 likes
0 comments
Post
