醋娘子 (Closed)

今日又係Happy Friday，臨時約左係上環番工既舊同學👭食晚飯。係佢同事介紹下，黎左呢間小店食上海野。呢條街雖然唔多人行，但都算近MTR，A2出口行過黎(加埋我蕩失路既時間 )都唔洗10分鐘。打開menu，真係估唔到呢間小店都有幾多野食選擇，鐵板、蒸飯、小籠包、冷麵、湯麵、炒麵、冷盤，咩上海野食都有。左揀右揀，我地揀左菜肉雲吞雞、小籠包、雞翼、口水雞同凍柚子蜜。全部都好幾有水準，即叫即煮，熱辣辣，無味精，食完湯都飲埋，之後都唔覺口渴。小籠包好岩我口味，一次食左三隻。食下又傾下，唔覺唔覺食左兩個鐘，呢度無特別限時，又自動斟茶，係上環醫肚小敍又多個選擇了。