蕃滿門 (Closed)

以前蕃滿門冇咁多分店，只係得大埔有，所以有試過幾次專登去食，嗰陣時由太和火車站行過去都有一段距離，但宜家已經開咗好多分店。佢嘅餐牌咁多年都係差唔多，例如有招牌嘅豬手、烤雞扒，或者係炸雞扒，其實全部都好好味😋今次我就食咗炸雞扒蕃茄米線，佢嘅蕃茄湯10年如一，都係一樣咁好味！最正係上邊有芝士同埋雞蛋，口感一流！另外晚餐仲有飯，今次係蛋包飯，陪金菇肥牛卷側邊有啲咖喱汁、芝士汁 同埋少少沙律，絕對係誠意之作！