新南苑私房菜火鍋鷄煲 (華僑商業中心) (Moved) New Location

今日中午經過旺角見到勁抵$99蚊雞煲打邊爐🍲😂，一於上去試下咩味！估唔到中午都唔少人食wor，可能大家都係比佢嘅破底價💰吸引😂 上到去會即刻叫咗雞煲先，等待嘅途中可以去夾定啲小食，有螺肉、中華沙律🥗、泰式鳳爪～ 等大約10分鐘左右雞煲就上嚟，記得要每2分鐘⏲攪拌一次，總共攪三次就可以食得～ 雞煲嘅份量一次唔算太多，不過勝在可以繼續任加雞🐓～雞煲嘅味道都唔錯，色澤雖然唔深，但係都算夠濃，$99來講真係好抵！🤣食完雞煲之後，侍應就會比張紙你點火鍋材料～基本嘅火鍋材料都應有盡有～味道不過不失～食完最後仲有北海道牛乳布丁🍮送👍🏻奶味幾濃架