天海 (Closed)

去日本時食過即炸天婦羅，呢度可以食到最接近的味道。地方不太，大概只能容納十人，而且不能預約（但係我見過佢有日被人包場，十人唔算多人，一圍都可以的）介紹返，兩個人點了三個餐，因為比較大食。由日本師傅親自係你面前做炸物，所有食材都係即叫即整，剛剛炸好就放上你枱面，新鮮而且無咩油係紙上面。入口無油溢味，炸雞好多肉汁，差少少燙親咀仔。炸海膽天婦羅比較遜色，始終唔係新鮮海膽，可以skip。炸鰻魚飯不可不試，比出面的天丼出色，而且全店用日本米，好接近在大阪食的味道。於是，我連續兩星期去了兩次。