新富盈四川麻辣米線 (Closed)

我係土瓜灣街坊，日頭成日撞到新富盈個老闆拎住架買餸車去買餸比佢舖頭。於是出於好奇就試下間米線。這店嘅餸同其他店有所不同，d餸喺出面米線舖食唔到，例如魷魚穌，鯇魚頭骨咁。首先要點評一下佢嘅魷魚穌，絕對係優於一般打冷舖一d發大咗已經沒曬魷魚味嘅魷魚穌，鮮味十足。而個鯇魚頭骨簡直就係不得了，老闆醃到毫無淡水魚有嘅通病，沒有了泥味，我平時咀好雕，基本上唔食淡水魚，除了此間。此外，餸方面我仲嗌咗豬肉片，豬肉片用咗薑同胡椒醃，就咁聽用Lee d醃好似未聽過，但係食落好過濟。温提一下，唔食薑嘅朋友未必啱，因為d薑放咗去醃肉係走唔到。