Video
Read full review
2023-10-16
122 views
今次同一班好朋友去咗沙田帝都酒店食一個五星級饗宴，淨係睇到佢哋擺盆都已經非常用心，無論係前菜煮食定還是係甜品，都做得非常精緻，味道梗係一流。⚜️凍海鮮拼盤佢入面係有六款海鮮，包括有北海道帶子，南非鮑魚，生蠔，波士頓龍蝦同埋虎蝦。 樣樣都係新鮮彈牙，佢仲俾咗好多份醬汁我哋可以選擇，帶出海鮮嘅鮮味。⚜️松葉蟹肉甘蝦海膽配牛油果佢呢個配搭係餐廳都好常見，但係佢嘅新穎之處就係佢睇落好似生菜包，自己可以選擇配料放落生菜度包住食，幾種海鮮配搭埋牛油果蓉生菜包住食落好有口感,外脆內軟，好有層次感。⚜️牛仔膝肉燴手製意大利寬條麵配燒牛骨髓就咁睇佢嘅巨型牛骨髓放喺闊條麵上邊就非常吸引，旁邊配有法包，配搭埋一齊食，牛骨髓味道超濃郁，食完個味道一直喺口腔徘徊。手製意大利寬條麵配搭埋肉醬口感一流。⚜️龍蝦干邑濃湯 (1/2新鮮龍蝦)佢呢個龍蝦湯絕對係用龍蝦殼海鮮熬製出嚟，龍蝦味好鮮，配搭埋少少忌廉超級香。⚜️黑松露泡沫野菌湯👍🏻👍🏻👍🏻👍🏻👍🏻野菌湯上邊打咗一層泡沫，睇落就好似一舊雲咁，原來係用黑松露嘅泡沫打出嚟，所以特別香濃，湯入面仲有野菌嘅粒粒，飲落去又有啲口感。⚜️澳洲M6和牛斧頭扒 (1200克) 佢嘅和牛斧頭扒
⚜️凍海鮮拼盤
佢入面係有六款海鮮，包括有北海道帶子，南非鮑魚，生蠔，波士頓龍蝦同埋虎蝦。 樣樣都係新鮮彈牙，佢仲俾咗好多份醬汁我哋可以選擇，帶出海鮮嘅鮮味。
⚜️松葉蟹肉甘蝦海膽配牛油果
佢呢個配搭係餐廳都好常見，但係佢嘅新穎之處就係佢睇落好似生菜包，自己可以選擇配料放落生菜度包住食，幾種海鮮配搭埋牛油果蓉生菜包住食落好有口感,外脆內軟，好有層次感。
⚜️牛仔膝肉燴手製意大利寬條麵配燒牛骨髓
就咁睇佢嘅巨型牛骨髓放喺闊條麵上邊就非常吸引，旁邊配有法包，配搭埋一齊食，牛骨髓味道超濃郁，食完個味道一直喺口腔徘徊。手製意大利寬條麵配搭埋肉醬口感一流。
⚜️龍蝦干邑濃湯 (1/2新鮮龍蝦)
佢呢個龍蝦湯絕對係用龍蝦殼海鮮熬製出嚟，龍蝦味好鮮，配搭埋少少忌廉超級香。
⚜️黑松露泡沫野菌湯👍🏻👍🏻👍🏻👍🏻👍🏻
野菌湯上邊打咗一層泡沫，睇落就好似一舊雲咁，原來係用黑松露嘅泡沫打出嚟，所以特別香濃，湯入面仲有野菌嘅粒粒，飲落去又有啲口感。
⚜️澳洲M6和牛斧頭扒 (1200克)
佢嘅和牛斧頭扒真係超大，就咁一隻手真係舉唔起，佢嘅牛肉味道超濃郁，配搭埋佢特殊嘅醬汁，啖啖肉，好過癮。
⚜️招牌烤原隻蒜香有機玉米雞 (81日大)
呢隻雞係全晚我覺得最好食嘅，佢嘅雞肉真係好滑，食落去爆曬汁，而且佢嘅燒雞皮又係脆卜卜，真係外脆內軟，原來佢呢隻雞只係81日大，唔怪之得雞肉咁嫰滑啦，包你食過返尋味。
甜品方便佢有好多款式，每一個各有特色。
⚜️意大利咖啡芝士朱古力
呢一個甜品真係用嚟打卡一流，睇落就好似一個巨型嘅朱古力球，一打開蓋煙霧瀰漫，入面係tiramisu，好濃郁嘅咖啡味。
⚜️榛子軟糕
食落係榛子嘅味道，然後入面有啲Nuts,好有口感，非常軟熟。
⚜️朱古力心太軟配香草雪糕
心太軟配搭雪糕又係一流嘅選擇，一次落去裏面嘅朱古力流心流出嚟，再配搭埋冰凍嘅雪糕，大愛💗
Post
