Video
Read full review
2023-03-31
1007 views
潮牛腩今日中午嚟到灣仔食一間叫「潮牛腩」，雖然門口有一級，但唔洗等位可以即放斜板即入去，店員幫安排我坐單丁望牆位。餐廳入面算寬，有足夠空間比輪椅人士喺入面轉彎，冷氣同光線好充足，好彩早入座，早點野食，一點完門口就開始打仗，多人排隊拎外賣同等位，呢間最出名係湯底，每日係用幾十斤牛骨熬製18小時，湯底完全無加味精，咁出名當然要試下啦！1.咖哩爽腩飯$110+夏枯草500ml $10（跟餐優惠）（8/10）呢個咖哩爽腩飯入面有6舊爽腩，不過大多數係牛筋，有2-3舊係半筋半腩，牛筋好軟淋，勁大舊勁彈，好多骨膠原，咖哩算小辣，撈埋飯食一流！飲品就揀咗枝裝夏枯草，跟餐只係加$10，算平！2.清湯牛坑腩飯$108+凍檸茶$8（跟餐優惠）（9/10）呢個清湯牛坑腩飯入面有6舊牛坑腩，揀清湯反而食到牛味好濃，牛坑腩好淋，仲有3大舊白蘿蔔，3舊都好鬼甜又無渣，牛骨湯底好清甜，好好飲！飲品就揀咗凍檸茶，跟餐只係加$8，算平！3.炸魚皮+牛骨湯$28（9/10）呢碗炸魚皮份量超多，大約有15舊，有幾舊大到有成人手掌咁大，魚皮炸得好薄脆，仲附送一碗牛骨湯比食客點嚟食，呢碗湯原來清湯牛坑腩飯個湯係一樣，只不過係加
今日中午嚟到灣仔食一間叫「潮牛腩」，雖然門口有一級，但唔洗等位可以即放斜板即入去，店員幫安排我坐單丁望牆位。
餐廳入面算寬，有足夠空間比輪椅人士喺入面轉彎，冷氣同光線好充足，好彩早入座，早點野食，一點完門口就開始打仗，多人排隊拎外賣同等位，呢間最出名係湯底，每日係用幾十斤牛骨熬製18小時，湯底完全無加味精，咁出名當然要試下啦！
1.咖哩爽腩飯$110+夏枯草500ml $10（跟餐優惠）（8/10）
呢個咖哩爽腩飯入面有6舊爽腩，不過大多數係牛筋，有2-3舊係半筋半腩，牛筋好軟淋，勁大舊勁彈，好多骨膠原，咖哩算小辣，撈埋飯食一流！
飲品就揀咗枝裝夏枯草，跟餐只係加$10，算平！
2.清湯牛坑腩飯$108+凍檸茶$8（跟餐優惠）（9/10）
呢個清湯牛坑腩飯入面有6舊牛坑腩，揀清湯反而食到牛味好濃，牛坑腩好淋，仲有3大舊白蘿蔔，3舊都好鬼甜又無渣，牛骨湯底好清甜，好好飲！
飲品就揀咗凍檸茶，跟餐只係加$8，算平！
3.炸魚皮+牛骨湯$28（9/10）
呢碗炸魚皮份量超多，大約有15舊，有幾舊大到有成人手掌咁大，魚皮炸得好薄脆，仲附送一碗牛骨湯比食客點嚟食，呢碗湯原來清湯牛坑腩飯個湯係一樣，只不過係加蔥同白蘿蔔，所以就以為唔一樣，反而我鍾意飲無蔥無白蘿蔔嘅牛骨湯，我覺得原汁原味先最好飲！
2人總共價錢$264
個人口味總評分：8.66/10
地址：灣仔謝斐道307-311號快添大廈地下2號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#潮牛腩 #灣仔美食 #牛腩 #牛坑腩 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
