泰國素食

Open Now

Now Closed

泰國素食應該係香港最正宗嘅泰式素食餐廳，雖然位置唔太方便，但我覺得值得一去，我食完都想再encore。餐廳座位設係一條長走廊到，全部都係四人枱，餐廳門口位置有賣素食嘅泰式醬料同麵條。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀鮮春卷 ($48)鮮春卷配有辣醬同類似糖漿嘅黑色醬汁。春卷本身食落有淡淡嘅柚子味，入面包咗粉絲、素魚片、甘筍、生菜…。不過我覺得嗰皮韌咗少少，唔知係咪佢本身嘅質地係咁。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀泰式香草餅 ($70)原本我以為係同香春薄餅差唔多樣，點知原來唔係。佢炸到外皮好脆，皮入面應該係豆腐，食到腐竹嘅味道。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀扎肉湯粉 + 洛神花茶 ($50)我冇諗過扎肉湯粉嘅配料可以咁豐富，有炸雲吞 (我覺得幾有驚喜)、豆腐、白蘿蔔、炸腐皮...。因為炸雲吞只係浸咗一半，所以雲吞嘅上半部分仍然保持脆口，雲吞入面主要包住椰菜。湯底帶有少少酸味，同埋羅勒葉嘅香味，好有泰式感覺。麵底滑身、爽口。