天祥飯店

Open Now

Now Closed

氣溫忽然驟降，呢個時候最岩就係食支竹羊腩煲，聽朋友講話深水埗有間叫【天祥既飯店】，餸菜夠晒地道正宗，唔好講咁多，食左先好講。點知真係無令我哋失望，羊腩炆得好有入味，而且好"林"唔痴牙，支竹係我個FRD既挈愛，佢係無竹不歡的，每一塊都索晒羊腩既味道，落埋生菜落去烚仲更加夾到震，真係食到停唔到口。朋友話想食炸大腸，連我本身唔食內臟既都忍唔住食左半碟，大腸洗好干淨，炸到個皮好脆口，有點食緊燒乳豬既感覺。酥炸生蠔，新鮮生蠔夠晒肥美，加上粉漿較得好，再放入熟油之中炸至黃色，入口滿鋪層次感，真係好顯大廚既功架。如果有朋友黎自海外，真係可以盡地主之宜，帶佢哋黎試下，包佢食到咀郁郁。