一風堂 (奧海城) (Closed)

要食正宗的博多拉麵，點數都要數到一風堂。呢度拉麵有分「特製」同「冇特製」，具體分別係特製多塊叉燒，多半隻溫泉蛋，多廿幾蚊咁，你問我特唔特製，我緊係唔制啦！我寧願加$25轉套餐，可以多個小食仲多埋野飲。講返個拉麵，湯底有濃郁豬骨味，拉麵麵質爽口彈牙，有四種軟硬程度俾你揀，叉燒精瑩剔透，薄薄一片但有極濃肉香，纖維細緻肥瘦分明，簡直係妙品呀！加$25蚊就有明太子雞翼食，兩雙飽滿的雞翼交叉相疊放於碟上，一隻左翼、一隻右翼，雙翼齊飛，相當治癒。食落就知有料到，溫度掌握非常好，剛剛炸起新鮮熱辣，入面明天子漲卜卜，啖啖肉好滿足。整體感覺滿意，品嚐拉麵過程俾到一種稱心愜意的感覺係日本人獨有，能為食客帶來一種和式小確幸，非常期待下一再次光臨。