佳文魚生店

Open Now

Now Closed

朋友帶我去呢間小店，因為我唔係係灣仔返工，所以之前完全唔知有呢間鋪頭。呢間D野偏貴，壽司要起碼三十蚊度，不過，件頭大。叫左好多生既食品，最好我將好既唔好既都分享下:海膽手卷：呢個係必食！海膽好新鮮，冇腥味，好滑口，而且份量好多，由上面到個手卷紫菜尖都係海膽，回味無窮！鰻魚壽司： 鰻魚熱辣辣，好肥好juicy，入口好甜，不過鰻魚汁多左D，成件壽司吸哂D汁... 刺身拼盤：二百蚊一份，有帶子，劍魚，油甘魚，三文魚北寄貝等十樣 Sashimi，不過唔係樣樣都好味，魚類sashimi有D腥。燒三文魚頭：好大個，有肉食，而且唔腥，嫌燒得唔夠，好果燒香D有少少焦就仲好！如果有機會再去，會力攻海膽，其他既就視乎個荷包有幾銀喇... 事關呢間鋪只收現金，唔收信用卡。