八月堂 (Closed)

以前唔鍾意食牛角包，覺得好油膩。但自從喺日本九州試咗一個當地好出名嘅牛角包之後就一試難忘，鬆軟又香噴噴，新鮮出爐。但係返到香港試咗幾間牛角包，都覺得好唔好食。終於試咗八月堂，叫做貼近日本名店il forno del mignon嘅味道。🤣🤣🤣八月堂在太古康怡開咗分店，全店主打牛角包，口味眾多，我覺得吉士味最正，朱古力味太甜，水果味都太搶牛角包個牛油香。第一次試可以試下原味。價錢就唔同口味有不同價錢15~22都有,現時買五送一。 建議唔好放太耐，出爐食最好。