潮福蒸氣石鍋 (Closed)

潮福一講個名，原來已經好多人識，同事仲話蒸氣鍋係潮福至正，講起就去食先。蒸氣任食套餐先388一位，包左湯，粥，乳鴿，龍蝦or 刺身，硯，四選海鮮，任食和牛，雞，手打丸，瓜菜，糕等，任飲埋汽水茶等，先388一位真係好正好吸引。我覺得最正係龍蝦，真係非常新鮮，講起都口水流，肉質彈牙，仲有蝦膏，好鮮甜，又大隻，街市自己買都難搵啦，清蒸真係一流。另外，四款海鮮入面，象拔蚌同蠔都好正，蠔有成隻手掌咁大，好肥美，一咬又有蠔汁，蠔咁樣食最正，仲正過食生蠔，象拔蚌都好新鮮，佢切左嘅食落好彈牙，鮮甜，蒸得岩岩好，正。除左海鮮肉丸等，菜類都好多，有芋頭，南瓜，菜籃又有花心旺菜等，食左咁多肉同海鮮，食返菜再最後食碗粥，真係舒服到暈。