甜記餃子 (Moved) New Location

甜記最近去過2次，第一次去比較貪心，每款都想試下。本身想食的其中2款售罄，唯有跟朋友分別叫了南瓜忌廉雞肉餃，粟米芝士雞肉餃，香葉豆角豬肉餃，韮菜豬肉餃。頭2款中西混合，試過就可以了。始終中式餃子比較合口味。香葉豆角豬肉餃味道幾特別，餃子漲卜卜，食完一粒又一粒。蕃茄薯仔魚湯清甜，配餃子一齊食，絕配。最後，竟然飲到看見碗底。第二次食到椰菜冬菇雲耳豬肉餃及香芹芫荽豬肉餃。椰菜雲耳爽口，又有少少冬菇味，個人認為最好味。今次試雞湯，湯底反而覺得麻麻地，唔似雞湯。每次去每次都要排隊，想食就要趁早。