人和荳品廠 (Moved) New Location

今日行經銅鑼灣想食豆腐花，就醒起人和，一路行一路諗應該仲係度~應該仲係度?~果然無論世事變改~~原味豆腐花(熱)，淡淡的已經配好了甜度，食落去真係超級滑，比起最近去台南安平豆花仲滑，仲幼細! 不過只有一樣野未夠完美，那就是不夠豆味，不過可能是因為豆的種類或是浸豆太耐而致吧 撥開看看入面，都是滑滑的，和整豆腐花的豆腐不同種，這種入面比較易散，不太硬同實，但都是欠了些豆味。豆腐兩旁沒有煎，只是上下略煎過。剛剛好。魚肉一小片，有蔥花，nicely釀在上面，唔係一夾就散。