Video
Read full review
2023-11-27
111 views
已經有一段日子冇去新都城商場，今日見到開咗一間新嘅中菜館，就入去同朋友試下晚餐。👭🛎皮蛋豆腐 $58第一度餸係冷盤，盡顯咗師傅嘅刀工同擺盤。細滑嘅豆腐切成一片片薄片，中間放滿皮蛋碎同麻醬製成嘅醬汁，然後灑上蔥花同紅椒碎，未食落肚已經覺得好開胃🤤豆腐口感十分順滑，再配以甜甜酸酸嘅皮蛋醬，係一個十分好嘅冷盤😍🛎 熟成脆皮燒雞（半隻）$118呢個燒雞🍗嘅第一印象就係十分之熱辣辣，上菜時仲冒緊煙，一睇就知係即叫即整。成隻雞都係啖啖肉，外皮消毒好似薯片咁脆，亦都冇好似坊間嘅燒雞咁乾真真或者調味過鹹，我同朋友好快就食曬半隻雞👍🏻👍🏻👍🏻🛎 黑松露西蘭花炒元貝 $188呢度十分家常嘅餸，亦都可以突顯出餐廳嘅用心🥹西蘭花十分之爽脆，而且一啲渣都冇。元貝食得出係新鮮嘅，同冰鮮雪藏嘅工廠元貝唔一樣，肉質十分之彈牙！！！🤩而成都送嘅精髓就係黑松露醬，完美咁將元貝同埋西蘭花融為一體，而且醬汁份量十分足夠，令到每一個西蘭花都可以沾上醬汁咁食～🛎 長腳蟹肉煲仔飯 $98 見到餐廳都有唔同種類嘅煲仔飯，但我就揀咗一個比較特別嘅海鮮煲仔飯。我得最值得讚嘅位就係佢嘅飯焦😈😈😈師傅控制火喉恰到好處，唔會因為想做飯焦而整到
🛎皮蛋豆腐 $58
第一度餸係冷盤，盡顯咗師傅嘅刀工同擺盤。細滑嘅豆腐切成一片片薄片，中間放滿皮蛋碎同麻醬製成嘅醬汁，然後灑上蔥花同紅椒碎，未食落肚已經覺得好開胃🤤
豆腐口感十分順滑，再配以甜甜酸酸嘅皮蛋醬，係一個十分好嘅冷盤😍
🛎 熟成脆皮燒雞（半隻）$118
呢個燒雞🍗嘅第一印象就係十分之熱辣辣，上菜時仲冒緊煙，一睇就知係即叫即整。成隻雞都係啖啖肉，外皮消毒好似薯片咁脆，亦都冇好似坊間嘅燒雞咁乾真真或者調味過鹹，我同朋友好快就食曬半隻雞👍🏻👍🏻👍🏻
🛎 黑松露西蘭花炒元貝 $188
呢度十分家常嘅餸，亦都可以突顯出餐廳嘅用心🥹
西蘭花十分之爽脆，而且一啲渣都冇。元貝食得出係新鮮嘅，同冰鮮雪藏嘅工廠元貝唔一樣，肉質十分之彈牙！！！🤩
而成都送嘅精髓就係黑松露醬，完美咁將元貝同埋西蘭花融為一體，而且醬汁份量十分足夠，令到每一個西蘭花都可以沾上醬汁咁食～
🛎 長腳蟹肉煲仔飯 $98
見到餐廳都有唔同種類嘅煲仔飯，但我就揀咗一個比較特別嘅海鮮煲仔飯。我得最值得讚嘅位就係佢嘅飯焦😈😈😈
師傅控制火喉恰到好處，唔會因為想做飯焦而整到成個底燶曬，飯焦😍金黃爽脆而且一塊過。成個飯撈埋咗之後口感豐富，鮮味十足😎
🌐 環境/服務
餐廳入面嘅飯枱用圍板間成唔同區域，增加客人之間嘅私隱度。飯菜用機械人作運輸🤖感覺更衛生同安全。樓面侍應都好用心咁講下嗰日嘅推介，同埋問下我哋食唔食當造嘅大閘蟹，服務態度友善😆
Post
