將軍會館

Open Now

Now Closed

將軍澳商場入面開店一段日子嘅酒樓，裝修光猛、新潮，相比傳統酒樓，我更加鍾意呢類唔鋪枱布、鵝蛋形枱，甚至有卡座嘅中菜館👍芝麻醬皮蛋豆腐芝麻醬超濃郁，皮蛋偏少，切晒粒，再加百頁豆腐，師傅刀功非常好作為頭盤一流沙薑豬手沙薑用上新鮮貨，切碎再混入蒜茸，淋上汁料，豬手切細粒、一口size，骨少又上味，未到好淋，少少爽口非常正鹹肉炒花菜辣度輕微開胃，椰菜花依然爽脆，鹹肉切得薄薄，所有味道非常融合咕嚕肉菠蘿、三色椒都唔夠肉多，脆漿算高質，放咗一段時間都依然帶少少脆口，咕嚕汁酸甜平衡非常開胃好味燒雞半隻過火，肉質偏乾同老，醃肉入味，唔洗醬油都好夠味清蒸龍躉斑由魚肚位開半，蝴蝶形咁蒸會比較快熟上枱，師傅應該都諗過炒檔時段要加快速度😂至於火候剛剛好，魚大、肉質結實有咬口，魚肉啱啱離骨，不過蒸魚豉油太淡、色淺，吊唔起魚嘅鮮味。。。4人6道菜大約$7xx，超飽！另自己帶酒去唔收開瓶費，打電話問嘅時候，Reception話只有茶杯當酒杯，搞笑地講酒刀唔見咗要自備酒刀😆

同黑色衫女侍應講，啲鮑汁鳳爪爛成咁嘅樣，你都俾客食！我哋要俾錢個喎。跟住佢Hea樣話：取消咗佢啦，取消咗佢。我話我哋都已經夾咗，都放咗落碗，跟住佢唔嚟就攞走咗個點心，再嚟攞走埋d碗（入邊已放點心），我話你可以同廚房講聲，呢啲就唔好俾客人啦，佢話冇辦法係咁㗎啦，根本佢完全都冇問我，係要取消定係換過俾我。我話你咁樣處理＇咪唔會進步囉！乜而家啲洒樓知客成個老細咁🙄

買兩糯米飯外賣，等咗5 0分鐘先有，等咗15分鐘，第一次追問，只係行去望一下，完全冇回應，20分鐘之後去收銀處追問，就話蒸緊，30分鐘之後再追，就話亂左單，即刻整緊比我，到4 5分鐘就話兩張單貼住左，睇唔到，每次追問都有唔同籍口，50分鐘已經可以食完一餐飯，一定唔會有下次

中秋節當晚，因早前時間已付$500留枱費，所以6:00pm準時攞枱，用餐時間6-8pm。6:12pm已落單，當中包括三隻乳鴿。 落單後，店員問餸是現在上定「叫上」，我哋話「叫上」。6:20pm, 叫副店長上菜，佢話而家上，餸會涼，不如等齊人。6:32pm, 我哋再同副店長講唔等齊人，直接上菜。 對方突然表示，三隻乳鴿已無，被其他「大單」攞咗。 我哋話6:12pm 落單時，無人同我哋講無哂，點解會突然無？咩叫「大單」？ 原來「叫上」係會俾「大單」搶？ 此時，巫店長就行出嚟話無就無，佢地無辦法，早order都無，直接將「叫上」既責任放落我哋身上。 仲話「幫」我哋即刻取消其他餸，唔使我哋賣單（其實只上咗湯，都無飲過）。 店長仲話我哋要投訴，寫埋嗰名俾我哋，退返$500。 就叫我哋過主。各位，中秋節慶祝都要俾呢間食店搞到我哋好唔開心，特別係老人家。 過時過節仲值唔值得喺呢間鋪食，自己考慮下。

今晚約了朋友在將軍澳新都城3期的「將軍會館」吃晚飯，交通非常方便，離地鐵寶琳站出口只需幾分鐘步程，而且全程有蓋，不怕日曬雨淋。餐廳面積不小，裝修雅緻，座位寬敞舒適，卡位都有小屏風分隔。看過餐牌後，點了幾個家常小菜。餐廳推介熟成燒雞，可自選配搭一道小菜，當然要嚐嚐啦！「將軍招牌熟成燒雞（半隻）」配「鮮茄魚腐浸勝瓜」，燒雞是肥美的黃油雞，皮薄肉厚，外皮燒得香脆，肉質嫩滑多汁，鮮甜可口。魚腐兼具魚肉的鮮味及豆腐的香味，配上爽甜的勝瓜和酸微微的番茄，湯底又濃味，味道讓人有驚喜。「名醬牛柳粒」，安格斯牛柳粒，肥美多汁，牛肉味十足，以薯仔、洋蔥等爆香，加上袐製醬汁，特別惹味。「豉汁白鱔煲仔飯」，熱騰騰原煲送上，打開煲蓋，便聞到陣陣香味。鱔片鮮甜爽滑，入口甘香。飯底焗得很香，但廚師掌握火候得宜，香口而不焦。這裏的菜式有水準，環境又舒適，所以甚受食客歡迎。

炸子雞拼勝瓜蕃茄勝瓜魚腐是今晚的特價菜式，叫一套便有肉有菜便叫來試試炸子雞出奇地有驚喜皮脆肉嫩老人小孩都吃到龍躉雙拼 翡翠炒班片，從皮嘅厚度便可知條魚一定很大條，魚片炒得香口，魚皮肥美滿滿的骨膠原但西蘭花同很多酒樓一樣，都係為咗保持佢嘅翠綠的外表半生不熟，要拿回家再加工食第二餐避風塘炸頭腩這個有驚喜通常外面都是清蒸頭腩但這裏是避風塘炸的，其他食肆很少見 炸得好香口，又辣又脆好好味上湯魚蕃茄魚腐浸勝瓜 基本上係正常嘅但魚腐真係唔係咁好食細細粒一嚿粉咁鮑魚雞煲仔飯啲飯好淋熱騰騰香噴噴，加埋甜豉油，讚我們六人過來吃飯有卡位坐，環境舒適， 今次見好多人叫蒸鮑魚大大隻，下次過來試

好耐冇黎呢度飲茶啦假日特別多人今次嗌咗幾款點心同午市套餐午市套餐好抵食有小食 粉麵 點心最鍾意醃蘿蔔夏天食特別開胃💜叉燒包份量好大汁多到瀉出黎鮑魚燒賣肉質夠飽棉花雞有魚肚爽口彈牙味道唔錯可能假期關係等待點心時間都比較耐最後食唔晒咁多嘢牛河打包拎返屋企食😂鮑魚燒賣$38鮮淮山蟹柳棉花雞🐔$33午市超值套餐（小食、粉麵、點心） $168涼拌萵筍絲乾炒安格斯牛河醬皇薺菜抄手香煎蘿蔔糕西班牙黑毛豬叉燒包 $41醃蘿蔔 $16.8

今日五大兩小出去食飯，一早訂咗枱，落咗$500訂金。入咗之後見到餐廳都好爆，最近少見香港嘅餐廳有咁嘅盛況。因為費事煩，所以叫咗個四人餐。個四人餐有成六個餸，$12xx，算係抵食。餐廳上菜好快，落咗個餐冇耐就差不多全部上晒，可能因為套餐關係一早煮好食物賣相都唔錯，味道方面都還可以西蘭花翠綠，唔會太腍。帶子桂花蚌都唔錯。呢個菜就好似搭單湊到多味餸咁…冇特別，上湯煮菜成個套餐最讚呢個脆皮雞，雞都嫩滑，皮又脆。咕嚕肉都正常，配菜方面極度唔吝嗇，份量極多，但係肉方面就…值得讚嘅係菠蘿用新鮮菠蘿主菜係上湯龍蝦伊麵，可能期望好大，有啲失望。龍蝦唔算好滑呀，見面又唔係好入味…可能芝士焗嘅話，有返啲鹹味好食啲啩有條蒸東升斑，正常發揮。但係記得提小朋友千祈唔好食，因為會don’t 升班 🤣(爛gag)我哋最後仲想嗌咗個黃金炒飯，好食嘅。所以真係做人唔好懶，千祈唔好嗌餐。。初頭睇完OpenRice嘅感覺係應該冇死，可能就係有期望，所以有少少失望。服務真係一般…

嚟4次，衰3次！都係嗰位知客出事！㩒飛3位，俾位嗰時張枱咭都寫4位！同佢講要改，當然佢唔高興！今日攞3個位（no.34)，嚟到時電腦板叫到no 30! 等咗20分鐘，知客小姐跳咗no.33冇叫, 叫我no.34,俾張兩人枱加路邊櫈，唔要！佢叫等等！跟住佢叫我前一張飛4個人，我冇異議，跟住佢叫我下一張飛3個人，俾咗張4人枱，（其實我哋一直企喺佢面前）我諗佢唔記得咗我哋，於是上前提佢，佢諗都唔諗叫我等等！ 好，我等，等咗5-6分鐘，佢叫no.36,4人枱，我覺得唔妥，忍住先！再等兩分鐘，跟住佢叫no.38,3位！呢刻冇得忍，上前質問，（no38,好唔like, 以為我哋打佢尖！）阿姐死死地氣俾咗入房4人麻雀枱，隔離員工食飯大枱，嘈到爆炸！掃興母親節！香港食肆文化！！

跟長輩食早茶, 會館環境別樹一格, 不像一般酒樓運用牆隔開。反而別緻的裝修讓人可以有獨立空間, 由於坐近落地玻璃, 整間酒樓光線十足。而且酒樓仕應服務態度十分好, 記得好些老顧客的喜好, 個特別用心準備。早上由於有優惠時段, 除了一般點心以外, 它們的粥品十分推介。價錢也很相宜, 朋友說不時也會到這裡飲茶, 是不錯的選擇。

最近新都城商場搞左兒童活動，同小朋友玩完就係附近找左餐廳，平時去得多酒樓，好少有「將軍會館」坐得咁寬落，冷氣夠涼，燈夠光猛，好適合一家人輕鬆食個飯。清蒸龍躉斑（約一斤）（⭐️⭐️⭐️⭐️⭐️）餐廳即叫即蒸，食得出魚肉十分鮮嫩，肉質結實略帶油分，魚皮嫩滑帶點油脂，魚鱗去得乾淨，肚的部位清洗乾淨所以不會有腥味，薑蔥切成幼絲十分爽口新鮮，用上自家製的甜豉油帶出鮮味，灒油部分更增添魚的光澤感。鮮果咕嚕黑豚肉 （⭐️⭐️⭐️⭐️⭐️）餐廳俾嘅份量偏多，十分抵食，三色椒新鮮脆身，唔辣仲甜甜地好有水份。肉嘅部分用上黑豚肉果然零舍不同，肉質十分鮮嫩，唔會有渣或筋。粉漿厚薄亦恰到好處，非常脆口，不會太重油膩感，外面裹上甜酸醬真係非常開胃，啱晒小朋友食。上湯開邊西澳洲龍蝦配伊麵（一斤）（⭐️⭐️⭐️⭐️⭐️）一斤嘅龍蝦份量真係唔少，以依個價錢食到西澳龍蝦真係非常滿意。龍蝦肉質飽滿鮮甜，厚肉爽彈，可以全條肉叉出來慢慢吃。上湯部分濃稠適中，雞湯鮮甜。伊麵有水準，每一條都爽滑長身，份量又多，足足食到4碗。~~~~~~~~~~~~~~~~~~~~~~~~~~將軍會館 將軍澳寶琳貿業路8號新都城中心三期1樓137號舖 👍出色味道👍地點方便👍環境

飲茶食點心是中國人喜愛嘅社交活動, 將軍會館位於新都城中心酒樓地方好寬敞, 卡位又大又多。茶樓點心種類繁多是和親朋戚友一同分享嘅好選擇。蟹籽燒賣皇燒賣皇真係好大粒, 份量和用料十足, 蝦肉豬肉饀料混得好和諧, 彈牙有質感。山竹牛肉球牛肉球大粒爽彈, 肉汁豐富, 點配喼汁更香口。香茜牛肉腸粉腸粉皮幼滑煙韌, 牛肉鮮嫩有芫茜香味。樱花蝦手打綾魚球手打綾魚球肉質鮮嫰爽口, 加上脆脆樱花蝦, 口感好特鮮蝦菜苗餃餃皮薄滑, 鮮蝦饀料和菜苗好配合, 非常清香。啤梨咸水角啤梨形賣相好精緻, 脆香甜糯外層, 饀料咸香。

約了朋友在新都城中心晚餐，朋友叮囑一定要早點到。✨️ 杏汁燉花膠奶白色的杏汁燉花膠，杏汁香氣飄飄。杏汁口感香濃幼滑，味道香甜，無添加味精，花膠熬煮至軟腍適中，非常滋補。✨️ 濃雞湯煲花膠濃雞湯煲花膠味道濃甜鮮香，入口順滑卻不油膩。花膠、雞腳、瘦肉，食材足。花膠肉質厚實，美味可口，非常有質素！✨️ 清蒸蝴蝶龍躉班現時正進行超值優惠價$18，售罄即止，怪不得朋友叮嚀我要早點到 龍躉班蒸得恰到好處，嫩滑鮮甜，加上大量香葱，香氣宜人。✨️ 玉桂乳鴿醬紅色的玉桂乳鴿肉質不柴，鴿肉味濃。✨️ 乳香八寶齋平日多吃青菜，嚐嚐乳香八寶齋也不錯。紹菜、冬菇、雲耳、豆腐卜、腐竹、福果等食材，口感豐富。運用適量南乳來炆煮齋菜，味道帶鹹香，不錯。✨️ 豉汁白鱔煲仔飯肥美多肉的白鱔，在豆豉襯托下，鮮味相當突出。還有脆口的飯焦，不焦燶，又不過硬。豉汁白鱔煲仔飯加添煲仔飯豉油，味道更惹味。

位於新都城中心嘅❣︎將軍會館❣︎平時我都好鍾意來飲茶同晚飯😋呢到地方大，座位寬敞，重有幾間包廂房間，好適合一家大細來晚飯👍🏻而且價錢合理，菜式每次都保持到水準👍🏻超推薦比大家。❣︎杏汁燉花膠❣︎$58杏汁香濃美味🤤內有花膠，雞腳，螺頭，瘦肉等⋯⋯超足料老火湯👍🏻我連湯渣都食埋，隻雞腳入晒味，超正👍🏻👍🏻👍🏻❣︎花膠螺頭爵士湯❣︎$48內有花膠，螺頭，雞腳等⋯⋯滋陰養顏🧏🏻‍♀️香甜清潤。❣︎麻婆豆腐海參❣︎$118以豆瓣醬同香料煮成嘅麻婆豆腐，口感順滑😋海參Q彈，麻辣咸鮮👍🏻超好送飯。❣︎熟成脆皮燒雞(半隻)$118雞皮烤得好脆😋燒雞軟嫩多汁👍🏻❣︎沙薑豬手❣︎$68豬手皮爽肉彈🤤加埋沙薑嘅味道，香而不膩，清爽開胃👍🏻❣︎咕嚕黑豚肉❣︎$128外脆內軟嘅咕嚕黑豚肉，啖啖肉😋酸酸甜甜，好開胃。

中午陪媽媽來到寶琳 「將軍會館」開餐，這裏不但食物質素高，而且價錢親民，選擇亦非常多，除了有燒味，還有下午茶自由自選孖寶供選擇。坐餐廳佔地挺大，座位寬敞，感覺開揚，空間感十足。玉桂燒乳鴿乳鴿色澤吸引，皮脆肉嫩多汁，入口有滷水香，口感不油膩。香煎菜肉包菜肉包底部煎香後，口感酥香，上層則非常鬆軟，而內裏的菜肉餡料極多，一口咬下肉汁豐富，相當滋味。山竹牛肉球牛肉球內裏加入了爽脆馬蹄及芫荽，滑中帶爽，口感豐富。鮑魚汁鳳爪鳳爪都得軟淋入味，鮑汁味香濃，入口脫骨，推介。鮮蝦菜苗餃水晶外皮煙煙韌韌，厚薄適中，內裏餡料極多，菜苗清新爽脆，蝦肉彈牙，吃時蘸點醬汁，味道會更好。櫻花蝦手打鯪魚球鯪魚球內放了點點櫻花蝦，味道挺鮮甜，有魚鮮香，口感滑溜，零骨絲，零腥味。原隻鮮蝦腸腸粉外層Q彈滑溜，內層包著原隻爽口大蝦，淋上醬酒後鮮味提升。龍蝦湯海鮮泡飯龍蝦湯鮮味十足，湯內還加入了大量彈牙蝦粒及蔬菜配料，吃時可於湯上加入脆米通，一脆一軟，增加口感。