老闆火鍋冰室

Open Now

Now Closed

今日約咗好友到元朗嘅「老闆火鍋冰室」食火鍋，首先叫碟小食先👉《椒鹽九肚魚》， 表皮炸得脆卜卜， 仲好熱添，一定係即叫即炸， 魚肉嫩滑，超好食！ 之後叫咗個《胡椒豬肚鮮雞窩》， 材料十分豐富，湯底香濃惹味，以胡椒、酸菜，豬肚&鮮雞等各種香料製成， 湯底十分濃郁， 美味！豬肚爽口彈牙，雞件嫩滑，有雞味。最正就係腐竹， 吸晒湯底，好惹味！ 鮮味無比嘅《白鱔片》， 鱔片超高質，啖啖肉，厚切，超好味！ 手打四寶丸拼盤包括有墨魚丸、蝦丸、牛丸&豬肉丸，每人每款各兩粒，份量啱啱好，正！ 仲有鮮蝦雲吞，整體好味呀， 皮薄餡靚，蝦肉爽口，唔錯！晶瑩通透嘅《讚岐烏冬》，爽滑彈牙，烏冬吸收晒雞湯精華，真係打邊爐必備，yummy ! 最後梗係要食菜啦👉《皇帝菜》，好新鮮，青綠細嫩! 真心推薦《老闆押水果茶》，超大杯，足足1 公升， 開心share 無問題la ! 水果茶有菠蘿、青檸、蘋果&話梅，又好味又解渴，打邊爐啱晒啦！