火鍋撚 (染布房街) (Closed)

香港打邊爐最愛就係去火鍋撚！味道好有台灣嘅風味，食物選擇都算多，而且每款湯底都好香濃好好味😋蜂巢豆腐白湯鍋x 秘製麻辣鍋 ($190)湯底可以揀雙拼，以較高嘅價錢為準～ 貪心嘅港人梗係揀兩個口味 ！ 有辣有唔辣，任君選擇✌🏻豆腐鍋味道香甜，感覺比較健康養顏，好養生！麻辣鍋相對重口味，我地揀咗小辣，剛剛好🫶🏻兩款湯底入邊除咗有蜂巢豆腐，仲有鴨血等等架～御用手切肥牛 ($275)細份適合2-3人分享，牛肉比較薄片，牛肉味道新濃，略嫌切得太細塊😹響鈴 ($35) / 老油條 ($29) / 順德魚腐 ($26) / 五色丸丸拼盤 ($128) 大部份嘅配料都可以揀全份或者半份，舖頭好貼心，啱晒我哋乜都想食嘅女仔，全部半份就可以嗌好多樣嘢食✌🏻 響鈴浸3秒就搞掂！ 新鮮炸起既響鈴完全無油溢味，好脆口，配埋甜酸醬好好味😻 五色丸拼盤入面有蝦丸/ 墨丸/ 貢丸/ 咸蛋黃牛丸 ～ 每款都新鮮彈牙 ，失望既係無比咸蛋黃爆醬牛丸驚艷到👉🏻👈🏻 反而覺得有啲太咸～另外仲嗌左娃娃菜同薯粉 ，兩者都係打邊爐必備既 🫶🏻 娃娃菜配豆腐湯 好鮮甜！食到最後仲送咗兩杯腐竹糖水沙冰，好解渴好好味喎！