Video
Read full review
2007-05-06
707 views
上次從中國冰室買過以為係自家製,原來由呢間開心餅店供應既卷蛋後,一直都希望試下其他產品,星期六返歸前專程行黎呢度八卦一下。小小餅店藏身廣東道街市入面,只有一位老闆娘坐陣,麵包櫃入面都有好幾款麵包選擇,但見一座放住好多盤新鮮麵包既鐵架車係度....當自己考慮好唔好夾鐵架車入面既麵包時,其他街坊已經熟悉地拉開每個麵包盤揀包了,我當然都不甘後人lu!以下兩款為大人評語:菠蘿紅豆中紅豆好甜,應該又係舊區麵包店特色之一;大麥包柔軟,比上次鳳香園出品好幾倍。鮮奶球外表似墨西哥包多d,大大個鮮奶球面層鮮奶好香甜,麵包就極有口感,唔係鬆泡泡貨色,食一個真係幾飽肚;火腿卷買時超香,但仍然未試。另加卷蛋一條,味道如上次一樣,軟滑夠蛋香,難怪除左中國冰室係呢度取貨之外,餅店周邊茶餐廳都係一樣,因為我見到有位侍應哥哥拎住兩隻碟過黎取蛋撻。老闆娘一腳踢都對我呢個生客保持應有禮貌,同舊客更加不斷閒話家常,街坊店舖就有呢種人情味。最開心就係第一次自己係麵包架夾新鮮麵包,個焗盤仲熱架,好好玩!
小小餅店藏身廣東道街市入面,只有一位老闆娘坐陣,麵包櫃入面都有好幾款麵包選擇,但見一座放住好多盤新鮮麵包既鐵架車係度....當自己考慮好唔好夾鐵架車入面既麵包時,其他街坊已經熟悉地拉開每個麵包盤揀包了,我當然都不甘後人lu!
以下兩款為大人評語:菠蘿紅豆中紅豆好甜,應該又係舊區麵包店特色之一;大麥包柔軟,比上次鳳香園出品好幾倍。
鮮奶球外表似墨西哥包多d,大大個鮮奶球面層鮮奶好香甜,麵包就極有口感,唔係鬆泡泡貨色,食一個真係幾飽肚;火腿卷買時超香,但仍然未試。
另加卷蛋一條,味道如上次一樣,軟滑夠蛋香,難怪除左中國冰室係呢度取貨之外,餅店周邊茶餐廳都係一樣,因為我見到有位侍應哥哥拎住兩隻碟過黎取蛋撻。
老闆娘一腳踢都對我呢個生客保持應有禮貌,同舊客更加不斷閒話家常,街坊店舖就有呢種人情味。最開心就係第一次自己係麵包架夾新鮮麵包,個焗盤仲熱架,好好玩!
Post
