漁匠料理 (Closed)

得罪講句，日本嘢好食唔好食，真係好簡單！最緊要新鮮囉！唔新鮮我畀你廚神整都死啦！所以呢，新鮮就已經係100分喇！睇下隻蠔脹卜卜咁，一睇就知佢新鮮露出，吉落去仲識郁郁貢，就知佢一定好鮮味啦！呢個壽司併盤冇得輸嘅係佢條極肥美三文魚腩壽司，脂肪均勻，食落去啖啖油脂香，認真Oilshi!呢個燒蟹蓋簡直係呢餐飯嘅靈魂，當然食好嘢梗係要畀啲耐性啦！店員會拎個爐同埋新鮮蟹蓋出嚟燒畀你睇，咁你食完其他嘢就可以食佢喇！啲蟹膏好濃郁，配合埋啲蟹肉，簡直係perfect池！