晴の居酒屋 (Under Renovation)

母親節前一晚帶媽咪出街食飯。阿媽話要食得清淡啲所以就揀佐食日本菜。 大部分出名嘅日本餐廳都已經full booking ，淨低啲又多差評。頭痕之際就見到呢間佐敦隠世居酒屋，冇乜評價，睇食物賣相唔錯價錢又中低價，可能係新開位置有啲偏僻先咁少人食。 見餐廳環境相以簡約日式設計，牆上貼滿我童年中意嘅動漫同一大幅富士山相，已經吸引到我了。 於是就試下呢間啦。入到去見冇乜人得我同另一張枱。對於呢啲大時大節都咁淡市我有啲擔心中伏。不過上菜之後就唔擔心了，因為要就住阿媽食物都清淡為主，食物都唔錯食材好新鮮，店員好友善服務又周到。 阿媽成餐飯都好滿意不過有啲後悔冇試廚師推介。下次會幫襯試埋其他嘢食。