泰.越.港 (Closed)

喺中環食lunch，最怕就係要等位或者嗌外賣自取但要等好耐，始終打工仔都係得一個鐘頭lunch，如果嗌一個外賣都要等成半個鐘，咁食完之後都完全冇休息時間啦。通常如果我趕時間，或者有其他嘢做想快食一個lunch，就一定會幫襯me.kong ，因為佢出餐真係好快！！今日同同事嗌咗兩個餐share嚟食，一個係叻沙雞扒米粉，一個係青咖喱雞飯。兩個個味道都幾濃郁，聞落已經覺得好香，好惹味，呢個價錢絕對係抵食！最正係出餐晒， 10分鐘內一定拎到，啱晒我呢啲成日趕頭趕命嘅打工仔！