形 (海天晉滙)

Open Now

Now Closed

近來將軍澳發展好快，越來越多商場，而且食肆不像一般大商場咁千遍一律。有好多特別既食肆。今日去海天晉就見到好幾間吸引既食肆，最後想食串燒就入左「形」。今日係平日，所以唔係好多人，可以靜靜地傾計。這間餐廳坐位闊落，而且有桌球及飛標可供食客娛樂，真的貼心。最先到的是飲品，點了Rose Garden Mocktail。 Rose 味道好重，略嫌太多冰。螢光魷魚漬味道特別，好有口感，$48有十隻好抵食。encore之選。不過如果一個人食就好似多左啲，最好兩三個人先點。有樣日本野想食好耐，就係雞泡魚乾。今次終於食左，烤得好香呢，唔點沙律醬已經好好食。特別要提牛舌串燒，好有牛味，淋得黎又有口感，超好味，好想食多一串，$45一串係有原因既。另一較特別既係雞軟骨串，有生雞蛋同醬油配合。而鴨舌亦是較少見的串燒，燒得脆脆的，也不錯，只是舌頭肉太少。