Video
Read full review
2017-07-06
112 views
今日朋友生日，諗住同佢食西餐，上Open rice見到依間oak tree ristorante，睇落幾有氣氛所以就預約左今晚黎食飯。呢度俾我既感覺就係，雖然格調高，但係都好親切餐牌一去到，原來係喺酒店入面，個格調即刻感覺高咗～而且入面發現，都好多人預約黎呢度食野架喎朋友鍾意食蠔，見今日嘅美國生蠔竟然$10一隻！即刻唔使考慮，叫咗半打！order完好快就有得食！兩個人食半打生蠔，真係好滿足！啲生蠔好大隻，一啲都冇揸流攤！睇落都幾新鮮，食落都有海水味，但唔會係海鮮既腥臭味，竟然$10一隻都有依個質素，真係估唔到！之後兩個main dishes就叫咗辣肉腸pizza同扒三文魚。pizza係傳統意大利嘅薄pizza，未食就已經聞到好大陣嘅芝士同辣肉腸香味，食落口感都唔錯，薄得黎唔會太乾，芝士都好多（可以拉絲），不過可能食慣咗啲香港口味嘅pizza，所以依個傳統pizza對我嚟講就咸咗少少因為我同朋友都係無魚不歡，所以喺揀牛扒同三文魚嘅兩難中間，我地係揀咗三文魚好彩最後都不負我地期望，三文魚煎得好夠香，塊皮仲脆卜卜！三文魚雖然係煎嘅，不過又唔係好油膩，食落唔會成口油！而且煎完既魚肉唔會好乾，仲
所以就預約左今晚黎食飯。
呢度俾我既感覺就係，雖然格調高，但係都好親切
餐牌
一去到，原來係喺酒店入面，個格調即刻感覺高咗～
而且入面發現，都好多人預約黎呢度食野架喎
朋友鍾意食蠔，見今日嘅美國生蠔竟然$10一隻！
即刻唔使考慮，叫咗半打！order完好快就有得食！
兩個人食半打生蠔，真係好滿足！
啲生蠔好大隻，一啲都冇揸流攤！
睇落都幾新鮮，食落都有海水味，但唔會係海鮮既腥臭味，
竟然$10一隻都有依個質素，真係估唔到！
之後兩個main dishes就叫咗辣肉腸pizza同扒三文魚。
pizza係傳統意大利嘅薄pizza，
未食就已經聞到好大陣嘅芝士同辣肉腸香味，
食落口感都唔錯，薄得黎唔會太乾，
芝士都好多（可以拉絲），
不過可能食慣咗啲香港口味嘅pizza，
所以依個傳統pizza對我嚟講就咸咗少少
因為我同朋友都係無魚不歡，所以喺揀牛扒同三文魚嘅兩難中間，我地係揀咗三文魚
好彩最後都不負我地期望，三文魚煎得好夠香，塊皮仲脆卜卜！
三文魚雖然係煎嘅，不過又唔係好油膩，食落唔會成口油！
而且煎完既魚肉唔會好乾，仲好嫩同有鮮魚味添～
而伴碟嘅沙律菜同薯角都唔少份量，基本上兩個女仔要食晒成碟都唔惹少！
有芥末醬同茄汁俾我地點薯角架～最後
最後喇，就梗係要叫多個甜品幫朋友慶祝下，話晒生日嘛！
因為已經食到好飽，所以就淨係叫咗個心太軟伴雪糕！
我食心太軟最鐘意就係一喺蛋糕一啖雪糕咁食，一凍一熱，咁先最正！
依度嘅心太軟雖然好夠朱古力味，但絕對唔會太甜，
而且切開都真係會流心（仲流到成個碟都係），滿足我地兩個女仔最想見到嘅畫面
總結黎講，呢度既食物質素認真好，雖然大部份既價格都比較貴，
但一分錢一分貨，貴少少都抵
除左享受食物之外，我覺得呢度既氣氛都有情調，十分適合情侶去
食緊嘅時候，仲有人彈結他伴唱
今次我地有好深刻既體驗，
所以我都同朋友講定，下次生日要帶番我嚟依度食！
Post
